घोराही नगरपालिकामा स्थाई बसोबास गर्ने जेष्ठ नागरिक लगायतका लक्षित समूहका नागरिकहरुलाई प्रदान गरिदै आएको सामाजिक सुरक्षा भत्ता आगामी आ.व. को साउन १ गते देखि पाउन सो तपसील बमोजीमको  शर्त पूरा गरेका योग्य र इच्छुक नागरिकहरुले २०७२ मार्ग १५ गते भित्र घोराही नगरपालिका कार्यालयका वडा कार्यालयमा रित पूर्वक दरखास्त दिनु हुन सूचित गरिन्छ । हाल भत्ता पाइरहेका नागरिकहरुले समेत आगामी आ.व.मा भत्ता लिन चाहेमा नवीकरणका लागि दरखास्त दिनु पर्नेछ । यो सूचना बमोजीम दर्ता तथा नवीकरणका लागि दरखास्त नदिने नागरिकहरुले २०७३ साउन देखि भत्ता प्राप्त गर्न नसक्ने व्यहोरा समेत जानकारी गराइन्छ ।दरखास्त फाराम निशुल्क उपलब्ध गराइनेछ । थप जानकारीका लागि घोराही  नगरपालिका कार्यालय र वडा कार्यालयमा सम्पर्क गर्नहुन समेत अनुरोध छ । 

सामाजिक सुरक्षा भत्ता पाउने लाभग्राहीहरु ।

•    ७० वर्ष नाघेका जेष्ठ नागरिक
•   ६० वर्ष नाघेका दलित जेष्ठ नागरिक
•    ६० वर्ष नाघेका अविवाहित वा सम्बन्ध विच्छेद भएका एकल महिला तथा पतिको मृत्यु भएका जुनसुकै उमेरका विधवा
•    महिला तथा बालबालबालिका कार्यालयबाट रातो रंगको अपाङ्गता परिचयपत्र प्राप्त गरेका पूर्ण अशक्त अपाङ्गता भएका
•    महिला तथा बालबालबालिका कार्यालयबाट निलो रंगको परिचयपत्र प्राप्त गरेका अति अशक्त अपाङ्गता भएका
•    लापोन्मुख आदिबासी जनजाति नागरिकहरु
•    ५ वर्ष मुनिका दलित परिवारका एक आमाका बढीमा २ बालबालिका
•    अघिल्लो वर्षको आषाढ मसान्त भित्र ७० वर्ष पूरा भई चालु आ.व.को भत्ता पाउने सूचिमा समावेश भएका जेष्ठ नागरिकहरुलाई उपचार खर्च ।