निवेदकले पेश गर्नुपर्ने कागजातहरु

1. व्यवसाय/पेशा/कम्पनी/फर्म/संस्था दर्ताको प्रमाणित प्रतिलिपि, स्थायी लेखा नं, मू. अ. कर दर्ताको प्रमाणित प्रतिलिपि र आ.व. ०७४।७५ सम्मको कर चुक्ताको प्रतिलिपि ।
2. व्यक्तिगत परामर्शदाताको हकमा शैक्षिक योग्यता, समकक्षता(यदी आवश्यक भएमा) र काउन्सिल लगायत अन्य पेशागत संस्थामा दर्ता भएको प्रमाणपत्रको प्रतिलिपि ।
3. सार्वजनिक खरिद कार्यमा भाग लिन अयोग्य नभएको, प्रस्तावित खरिद कारवाहीमा आफ्नो स्वार्थ नबाझिएको र सम्बन्धित पेशा वा व्यवसाय सम्बन्धी कसुरमा कारवाहीमा नपाएको भनी लिखित घोषणा गरेको पत्र ।
4. अध्ययन अनुसन्धान तथा परामर्श सेवा उपलब्ध गराउने कार्यमा स्वतन्त्र परामर्शदाताले बायोडाटा, नागरिकता, शैक्षिक योग्यता, अनुभव सम्बन्धी कागजात तथा प्राविधिक परामर्शको लागि नेपाल इञ्जिनियरिङ्ग काउन्सिल, नेपाल मेडिकल काउन्सिल तथा अन्य पेशागत संस्थामा दर्ता भएको कागजातको प्रमाणित प्रतिलिपि समेत पेश गर्नुपर्ने छ ।
5. कुन विषयका लागि सूचीकृत हुने हो स्पष्ट किटानी भएको रु १०।०० को टिकट टाँस भएको निवेदन पेश गरको हुनुपर्नेछ ।

सर्तहरु

1. निवेदकले छुट्टाछुट्टै कार्य वा सेवाको लागि छुट्टाछुट्टै कागजात र निवेदन पेश गर्नुपर्नेछ ।
2. कुनै फर्म, संस्था कम्पनी वा व्यक्तिलाई सूचीकृत गर्ने वा नगर्ने भन्ने अधिकार उपमहानगरपालिकामा रहनेछ ।
3. यो सूची आ.व. २०७६।०७७ अवधिभर सम्मका लागि हुनेछ ।
4. सूचीकृत हुन चाहने व्यक्ति, फर्म वा संस्थाले सूचिकर्त हुन चाहेको क्षेत्रमा कार्य गर्न आधिकारिक निकायको अनुमति  वा अधिकार प्राप्त गरेको हुनुपर्नेछ ।